UT Jonathas & Melchisua decernunt Davidem contra vim defendere, Abinadab, & Abner se offerunt speluncam Engaddi scrutari cogitantes; qui post vehemen[te]s iras acriter repelluntur.
INdulserant amori Jonathas, & David; isque accendebatur à Melchisua, dum Abner volentem rursum tentare latebras speluncae objecto pectore Jonathas, & gravibus minis avertit; quo fit ut David Jonatham objurget de nimia sui cura.
REX IMAGINARIUS.
COMOEDIA
ARGUMENTUM. |
REx imaginarius servus fuerat, quem ut insanivit exire servitio non passus est herus. Patrem, herum negat noscere se; variisque aliis modis ipsius patent facetiae: donec constanter se regem esse praedicans hortatu Medicorum vapulare jubetur. hoc metu aliquid amentiae suae deponit.
[fol. π2v]
Saul deplorat infelicitates suas; & Jonatham dolo aggressus pene interficit dum constantem Davidis amorem in eo observat: unde in tantas iras sugit, ut Abinadab omnem earum causam in Jonatham refundat.
Postquam David audivisset Jonatham sibi velle esse comitem in exilio, dum hic illi narrare vult, quod sibi acciderat, rejicitur: unde ludus amoris exoritur, Ionatha mutati Davidis animi causam frustra vestigante. Post haec Saülem in speluncam ingressum David laedi prohibet.
INsultaverat Ionathas fratri Abinadab super inanitate suorum laborum, cum Sauli ex spelunca egresso David supplex accidit, & ostendit periculum in quo sua pietate servatus erat: hâc victus ei regnum remittit. Sed ne jam quidem fidens Sauli David, Ionathae valedicit in tutiora loca se recepturus. |
