Johannes Jacobus Mauritius: Op de bruiloft van Wilhelmus Crucius en Alida Gronovia. In: Faces Nuptiales accensae Nobilissimi Juveni Wilhelmo Crucio J.C. & Lectissimae Virgini Alidae Gronoviae Sponso Sponsaeque. 26 oktober 1706.
Gebruikt exemplaar: UBL 1179 B 38 : 20.
Bevat ook gedichten van Jacobus Gronovius, Petrus Burmannus, Henricus Snaakenburg, Govert Bidloo, Adriaan Pars, Siward Haverkamp en Isaac de Visscher.


Nobilissimo Juveni
WILHELMO CRUCIO, sponso,
Ornatissimaeque Virgini,
ALIDAE GRONOVIAE, sponsae,
FELICITER.

Ille, caballino qui proluit ora Liquore,
            Ad alta nomen sydera
Evehat heroum, quod gloria reddidit ingens,
            Ingentius belli labor.
(5) Non opis hoc nostrae est: mea te canet, o Hymenaee,
            Et mitius Lyra praelium.
Plaude potens telis Paphia cum matre Cupido.
            Lascive, vicisti, puer.
Percussere decus fortissima tela juventae
            (10) Leidensis & florem tuae.
Sponsa decus Rheni est, formâ praestante puella,
            Decusque virginum chori;
(Non aliter quam nocte rubet Latonia Phoebe,
            Decus minorum syderum)
(15) Sponsus flos juvenum, quos Rhenus & Amstela novit,
            Annis virens florentibus.
Ingenti eximiae virtutis clarus avitae
            Conjux uterque nomine.
Sponsa celebris avo, magno cultore sororum,
            (20) Helicona celsum quae colunt.
Clara parente, viro, quem reddidit ipsa Minerva
            Multa arte nobilissimum,
Quo floret (tanto Doctore) Academia Leidae,
            Quo languet amisso Pisa;
(25) Sponsus doctrina claris majoribus ortus,
            Hinc usque ad astra celebribus.
Ortus patre, viro, quo gaudet Leida Scholarchâ,
            Cujus viret sub fascibus.
Conjugium felix, ubi sponsa beata marito est,
            (30) Felix maritus conjuge.
Par bene compositum, vivas longum, atque beatam
            Fulci nepotibus domum.
                                        JOH. JAC. MAURITIUS.
Continue