IANUS LERNUTIUS

Ianus Lernutius Basia 28

Exstruite hic cellas, volucres florentis Hymetti
et dominae in vernis mellificate labris;
nam quaecumque meae libaverit oscula Hyellae
ultra Cecropias nectar habebit apes.

Ianus Lernutius Carmina Antverpiae 1579

Iani Lernutii ex lib. ocellorum eiusdem, carm. 25

Ocellus ille, quem cano, Dei alitis
Ait fuisse nidus unus unicus:
Neque ullius lepori amabilis nurus
Nequisse praenitere, sive seriis
Opus foret vacare, sive lusibus.
Et hoc negat Lycaenidis male aemulae
Negare frontem, et auream Critheidem,
Plocenque nobilem, Aeliamque Caesiam,
Glyconida speclumque Belgii Antherin:
Ubi iste, post ocellus, antea fuit
Serena stella. Namque in orbe lacteo
Micante saepe lumen extulit face.
Tabuda magne, tuque ductor Hespere,
Tibi haec fuisse et esse cognitissima
Ocellus inquit: ultima ex origine
Choros stetisse dicit inter astricos:
Tuo ustulasse te tuosque in aequore:
Et inde tot per invidentium greges
Decus tulisse; dura, sive mollia
Moveret arma, sive mallet Aliger
Simul protervus abdere utraque in iecur.
Neque ulla vota amasionibus Diis
Sibi esse facta, cum veniret a domo
Iovis superbi adusque candidum hunc diem.
Sed haec prius fuere. Nunc Dioneo
Cluitque honore, seque dedicat tibi
Cupido Amoris, atque Amor Cupidinis.

Ianus Lernutius Carmina Antverpiae 1579